انا وامي وزوجتي.........................

كيفكم يا حلوين
جايب لكم قصة من واقع الحياة حلوة ومضحكمة ومملوءة حكمة واتمنى تعجبكم
احد الاشخاص يحكي..
هناك شاب عمره 35 سنه ساكن في فلّه ومامعه إلاّ أُمه في هالفلّه وكانت العجوز دايم تحن عليه ودايم تذكّره بالعرس ياولدي لازم تعرس كبرت لايروح عمرك يابن الحلال خذ لك وحده تراعيك وتنتبه لك وتشوف حاجاتك أنا مانيب عايشةٍ لك العمر كلّه ..وكان دايم يقول لها : يمّه أنا مابي أجيب وحده وتقعدون توجعون راسي انتي وياها,انتي كبيره ومابي أحد يزعجك أو تتضايقين من أي شي يابنت الحلال ..قالت العجوز لا .. أنا يوم سعدي يوم أشوفك متهني وأبي أشوف عيالك لاتحرمني هالشي في تالي عمري ,وتمر الأيام ويجي يوم ويتأخر فيه الشاب عن البيت رجع وجه الصبح ولقى أمّه نايمه ودخل غرفته
وحط راسه وقام بعد ثلاث ساعات بيروح لدوامه ويلقى أمّه تشرب لها حليب وتاكل لها لقمه , قال لها يمّه أنا ودّي أقول لك شي قالت قل ياولدي وش عندك ..قال لها يمّه أنا تزوجت – إنصدمت الأُم – وقالت ولاعلمتني ولاخليتني أفرح بهاليوم
ومتى وكيف قال هذي هي داخل الغرفه نايمه وتراهي مستحيةٍ منك ولاتقدر تشوفك فخليها براحتها الين يروح خجلها ويصير خير ..قالت خلاص وعروسه لازم تتدلع وعادي لو تستحي مافيها شي ..مر يومين واليوم الثالث جت الأُم عند الشاب قالت له : أنت متزوجٍ وحده طرمه ولاتسمع ولاترد علي ناديتها ناديتها ولاعطتني وجه -وكانت تصارخ الأُم ومنفعله على الولد-
فقال لها يمّه قلت لك مستحيه وعطيها كم من يوم هذي عروس يمّه .. قالت طيب ,اليوم الثاني رجع من الدوام ولقى أُمّه طايحةٍ بالصاله وتصيح وراميةٍ غطاها وخاف الولد يمّه وشفيك وش تشتكين منّه قولي لي أوديك الدكتور ..قالت لا .. هذي حرمتك طلعت علي الصباح وقامت تصارخ علي وتقول لي يالعجوز ياللي فيك ومايخطيك قومي صلحي لي الفطور وجهزيه وهاوشتني ياولدي وبغت تضربني ..قال الولد خلاص ولايهمك انا اشوفها اليوم واهاوشها انتي لايكون خاطرك الا طيب ..
قالت زين .. واليوم الثالث يرجع الولد من دوامه ويلقى أُمه طايحه في وسط الحوش !! وشعرها متنتف وتبكي وتبكي وتبكي وتصيح وكأن الأرض تزلزت من تحتها .. راح لأُمّه .. يمّه وشفيك سلامتك وش بلاك قالت حرمتك طلعت وطقتني ورمتني في الحوش ياولدي .. قال أهااااا طيب تعالي أنا وأنتي هالحين نهاوشها ..وياخذ أُمه ويروح لغرفة نومه ويفتح الباب ... والمفاجئه وإلاّ الغرفه فاضيه !!! مافيها لاعروس ولايحزنون قال أنا يمّه ماتزوجت أصلاً ولافكرت .. بس حبيت أعطيك فكره عن اللي راح يصير سواء منّك أو منها .. وسكتت الأُم وحلفت إنها تتكفّل مستقبلاً بأمور زواجه كلّها 
اتمنى عجبتكم

منقووووووووووول

هههههههههههههههههههه مشكوووووووووور يا حبيبي اكيد كل واحد بيصير معه ومع حماته زلمة او مرة

مشكور يا فراس

بتفرط من الضحك