مرحبا شباب وصبايا

مرحبا شباب وصبايا

اليوم بدي أحكيلكم قصة زواجي من البداية للنهايه ... بتـنفع تصير مسلسل رمضاني 34 حلقه >>>>> (عامل حساب العيد)

يلا خلينا نبدأ ..... :

في ليله من الليالي كنت ماخذ وضعيه الأنبطاح وأقلّب في المجلات العربيه وأتفرج على الفنانات الى كل وحده .... سبحان الله على هالوجوه , الى أن شفت صورة (( نانسي عجرم))

سحبت هاند بريك وقعدت أتمقــّـل فيها مدة من الزمن , ثم أتخذت قرار صارم بمناداه أمي بصووووت عالي ...

يمااااااااااااااا ....... يمااااااااااااااااااااااااااااااااااااااااا ........

أمي : نعم ، نعم شو بدك ؟؟

قلت : بدي اياك في موضوع مهم ..

فـلـتـفـتـت بطرف عينها .. وقالت : ردينا عليك ...شو بدك... ؟؟؟

قلت : أنا أتخذت قرار ولن أتراجع أو أتزحزح عن قراري ...

أمي : خير شو قررت ..؟؟

رديت بكل ثقه : بدي أتزوووووووووووج

ردت أمي رد سريع وقالت : من حلاتك وحلات أطباعك علشان تـتـزوج ...

أنا : يمااااااه حرام عليك أنا مسكين أنا قاعد أتعذب .. ليش أنا مش ابنكم ..

وقعدت أبكي وأعصر دموعي (ومانزل الى دمعة الله وكيلكم)

بصراحه أمي خافت لا يصيرلي شي اذا ما زوجتني فقالتلي... : خلاص أنا راح ازوجك وأمري لله .. بس بنت مين اللى بدك تتزوجها ..

انا : بنت عجرم ..

أمي : مين عجرم ؟!؟!؟!؟!

أنا : قصدي بدي اياكي تشوفيلي وحده بتشبه (( نانسي عجرم )) ،،، لحظه خليني اقص لك صورتها من المجله..

والله واقص صورة ( نانسي ) وأعطيها لأمي وقلتلها بدي اياها نفس المواصفات هاي بالضبط ..

قالت أمي : خلاص بكرة في حفلة .. بشوف لك اذا ضايل منها والا خلصت الكميه ..

اجاااا بكرة وراحت أمي الحفلة .. وأنا أنتظر رجعتها بفارغ الصبر ..

وبعد كم ساعه من الأنتظار .. رجعت أمي وقالت مبروووووك لقيت طلبك .. وأخذت رقم أمها ..

دقت أمي عليهم ثاني يوم وردت البنت وانا ملصق بالسماعه بدي أسمع صوتها ..

فما كان من أمي إلا تمسك بالتلفون وبدها تناولني فيه على راسي،، (( لكي اغدو في حال سبيلي ))

مشيت في الصاله وانا أشووت علبة المناديل .. واللي كانت أحدى هواياتي ..

جاءت إللي أمي لتزف لي بشرى قبول اهل البنت مبدئيا ..

فرحت بالخبر وانتظرت اليوم الموعود لمقابلتها ..

وصرت اردد اغنية الفنان الكبير ((سعد الصغير)) ،،، (حتجوز)

رحت عند الحلاق وقلت له : تزبيط كامل الله لايهينك ... >>>>> (مسكين اشتغل ساعتين ونص وهو يرمم)

وبعدين جابتلي أمي العطور والبارفانات المرتبه ... >>>>> (ترى كلها ماركات عالمية)

وبعدين رحت محلات الملابس المحترمه اشتري طقم ،،، طبعاً غير رسمي ما بقبل ، هاي نانسي مش أي حد ...

اشتريت طقم رسمي نص كم مع كرافة طويلة ... اطول كرافة عندو اشتريتها

وتوكلت على الله ورحت على بيت ( آل عجرم ) ،،،

دقيت الجرس ففتح لي أخوها الصغير وكان دب ومبينه عليه علامات البراءة ..

وأول ما شافني قال مين انت يابو كرافة ..

فقلت له عيب يا عمو أنا راح اصير زوج أختك ..

وما إن قلتله هالكلمه اللي نزلت عليه مثل الصاعقه .. ركض داخل المنزل .. وسمعته بصيح وبتحلّف: والله اختي ما بتاخذ ابو كرافة ..

فكرت في الدب الى فضحنا لابارك الله في كرشته .. فقلت أحسن شي اروح البيت واجيهم بكره على اساس اني انشغلت وماقدرت أمر عليهم اليوم ...

وبالتالي ابو كرافة اللي تكلم عنه الدب مش انا ... >>>>> (يا سلام على الأفكار الخرنزعيه)

وما إن أعطيت ظهري للبيت وبفتح باب السياره إلا الأب يمسك ايدي ويقول مين الاخ ؟!؟! >>>>>> ( مسووي ذكي )

فقلت له وبصوت يملأه الحزن ... : انا خطيب بنتك .. >>>> (من وين لوين خطيبها)

أستقبلني خير استقبال .. وقعدني في صدر الصالون .. وصار يسألني يمين ويسار عن مؤهلاتي ووظيفتي ..وأنا أتصبب عرق حتى ان الخجل صار يتطاير مني ..

ونحن على هالحاله دخل علينا الدب ويقول بصوت يسمعه البعيد والقريب وهو يطلع لسانه : يابو كرافة والله ماتاخذ اختي طول ما أنا حي ...

إلتفت عالأب وقلت : شيل هالعجل الصغير أحسن ما أقلبلك الصالون مسلخ ...

فقال ابوه وهو بيضحك : روح يا ابني الله يصلحك ... >>>>>>> ( ذبح الولد بكلامه ... والله قهر )

فقلت له تبا" بل سحقا" لتربية هذا الغلام ( كأني شطحت شوي ؟؟)

فقال الأب : بدك تشوف البنت ؟؟؟

قلت : أكيد بدي أشوفها ( شو جاي اتمعن في وجهك أنت وابنك الدب ..)

ولما راح الأب ينادي البنت .. رجع الولد وهو يطلع لسانه مرة ثانيه ويقول : يابو كرافه والله ما بتاخذ أختي ...

قلت له تعال ياحبيبي أنا بعطيك 25 دينار مره وحدة وتطلع بسرعه ..

قال خلاص .. صرفت الدب وافتكيت منه .. بـ25 دينار تسعيرة الدولة

ولما راح الدب الصغير دخلت علي البنت وكلها استحياء وانا بنظر للأرض وبرسم دواير باصبع رجلي الكبير كعلامه على اني خجول ..

جلست بجنبي وقالت : مرحبا

فلما رفعت راسي أرد عليها .. وقفت الكلمة وما قدرت أكملها .. كيف أكملها وأنا شايف أبشع وأقبح المخلوقات على وجه الأرض ..

لا وكانت حاطه مكياج بيكفي لعمل كيكه أكبر من راسها ...

فقلت في نفسي ... أبووها وأبوو الي بدّو يتزوجها ..

وفكرت بسرعه اني أفركش الموضوع وأحط شروط تعجيزيه عشان تكرهني البنت وتصيح لأمها مابدي ايااااااااااااااه ..

فقلت للوحش ( البنت ) : انا عندي شروط ..

فقالت لي انت بتأمر ..

فقلت لها : انا انسان بحب المخمخه والارجيلة وخصوصاً تالي الليل .. فلا تستغربي اذا شديت شعرك تالي الليل وانتي نايمه وقلت لك اعملي لي معسل ...

والراس بدي ياه يكون ثلاث جمرات ومن الصغار ، والمي ماتتعدى النص ، وتحطي معها ثلج وليمون ...

فقالت لي والابتسامه تعلو.... (والله ماني عارف شو تعلو) : ابشر .. بس عليك بالمعسل التونسي لأنه انقى واصفى >>>> ( طلعت خبره وصاحبة كيف بنت اللذين)

فـ شلت الكرافة وبلشت ضرب في الكائن الحي الغريب اللي عندهم (أخوها) كنوع من تشويه سمعتي...

ولحقته لداخل البيت وانبرشت عليه انبراشة مالها مثيل ... >>>> ذكروني في نهاية القصه أقوللكم معنى (انبرشت)

ورجعت للصالون وأخذت مفتاح سيارتي ولما طالعت لقيت الدب الصغير قاعد فوق السياره ..

وأنبرشت عليه أنبراشه أشد من الانبراشه الأولى .. وأخذت منه الـ25 دينار .. عشرتين وخمسة فراطة ... >>>> (اختصر مش موضوعنا)

وأول ما شغلت السيارة .. سمعته يقول .. أنقلع ياابو كرافة ..

نزلت من السيارة .. وطرحته أرضاً .. وحطيته ورا السيارة مباشرة وركبت السيارة وشفططت وغبّرت على وجهه ..

فلما نظرت في المرايه أشوف شو صارله .. حصلته بيضحك ويأشر بيده ويقول : (عيدها ... عيدها)

فرحت للبيت وأستقبلتني أمي : هاااااه بشر كيف البنت ..

قلت يمه حرام عليكي هاي تشبه نانسي هاي ؟؟؟؟ أنتي بدك تموتيني قهر ..

قالت نفس الى في الصوره الي انت بدك اياها اللهم اختلاف بسيط .. وهاي الصوره شوووفها ..

فلما أخذت الصورة أكتشفت السبب ..

أثاريني قاص صورة ( نانسي ) من الجهه الأولى .. والجهه الثانية فيها صورة ( رونالدينهو )...!!!

بتمنى تكون القصه عجبتكم ،، وسامحوني اذا طولت عليكم