بنت بترفع الضغط بس دوااااوين

ورحمة الله وبركاته
اليوم جايبلكم موضوع بيرفع الضغط بس حلو كتير
اتركم مع الموضوع

الطفلة : الوووو

الإمرأة : الووو مرحبا

الطفلة : اهلين..

الامرأة : وين الوالدة ؟

الطفلة : فش عنا وحدة والدة..

الامراة : له له عيب عليك... لا سمح الله الله يخليلكم اياها..

الطفلة : شو لا سمح الله ما لا سمح الله.... بقوليك فش عنا والدة....

الامراة : اه ... قديش عمرك يا شاطرة؟؟

الطفلة : وشو عرفك اني شاطرة..

الامراة : تضحك وتقول .. مبين عليك خفيفة دم..

الطفلة : انت الي خفيفة دم... اوعي تقولي عني هيك...

الامراة : مبين عليك زغيرة؟

الطفلة : انا اطول منك......

الامراة : طيب يلا اعطيني ماما...

الطفلة : ليش هي امك عنا؟؟

الامراة : خلص نادي امك...

الطفلة : فش عند امي نادي..

الامراة : الله يصبرني...

الطفلة : يصبرك مع شوك ولا بدون شوك؟

الامراة : تصرخ " اعطيني حدا كبيرررر"

الطفلة : كبير , بالحجم ولا بالطول ولا بالعمر..

الامراة : اعطيني واحد برميل احكي معووو..

الطفلة : استغفر الله العظيم بدك تحكي مع برميل.. بس البرميل جماد..

الامراة : هسا باجي عندك.. اعطيني حدا كبير...

الطفلة : تجيش عندي لانو عندي صاحباتي بلكي لما روحو جيتي بكون احسن...

الامراة : طيب بس لو اشوفيك لاعمل منك بطاطا..

الطفلة : بطاطا مسلوقة ولا شوي بالفرن؟

الامراة : احسنلك اسكتي لانك زعلتيني..

الطفله : مين الي زعل تيني وليش التين اصلا بزعل؟

الامراة : بكفي زودتيها عاد ..

الطفله : وين عاد الى بيته ؟

الامراة : اه الى بيته .. مبسوطة..

الطفلة : الصراحة مش مبسوطة .. في اشي مزعلني..

الامراة : خليه يزعلك بلكي فقعتي زي البالون..

الطفلة : شو لون البالون الي بلكي فقعت زيو؟؟

الامراة : تصرخ باعلى صوتها.. " وين الوالــــــدة

فتاخذ الام التلفون من الطفلة ..

وتقول الووووو.. مين معي..

الامراة : ول علينا .. شو هالبنت هاي اطلعت لي قرن براسي

الام : قرن ايش , قرن الغزال ولا قرن موز..

الامراة : زي دايما رايقة وبتحبي تمزحي .. لع اطلعتلي قرن ثور ...

الام : شو حجمه الثور؟

الامراة تغلق السماعة.. وتذهب الى بيت صديقتها.. ترن الجرس

فتقول الام للطفلة : ارمحي شوفي مين على الباب...

تركض الطفلة نحو الباب , تجلب كرسي وتصعد عليه ثم تنظر الى اعلى الباب وتقول

فش حدا على الباب في وحدة وراه..

فتقول الام : خلص خليها ترن على الجرس قد ما بدها..

الطفلة : اي جرس؟ جرس المدرسة

الام : لع جرس الدار..

الطفلة : جرس دارنا هاي ولا الدار الجديدة الي بدنا نبنيها

الام : لع جرس دار الجيران..

الطفلة : ليش في عند الجيران جرس وحول واركب على الفرس..

وعلى هالموال ..... ليل نهار...

اتــمــنــى من الــجــمــيع الــرد
والله انها بنت من الآآآآىىخر كلها دواوين

أنا بحكي هادي البنت بايخة وقليلة أدب بدها ترباية ربيها ست (موج)

» ارتفاع الضغط
» برامج مضحكة!!!!!!!وترفع الضغط في نفس الوقت