اسمك فلسطيني !!... بقلمي

اسمك فلسطين؟!...يبقى من كل اشي ممنوع

تطالب بحقك؟! .. طبعا مش مسموح

تنادي العرب ؟!..صوت مش مسموع

ريحة الدم..هيي اللي لازم تفوح

وغير هيك بتصير جدي مذبوح

قوانين وأنظمة يا ويلك إذا بتفوع

واللي ما بسمع لبني صهيون هوا اللي بجوع

وبدك ترفع علمك؟!...بتنطخ وهوا لسة مش مرفوع

مجرد التفكير بالحرية حق مش مشروع

وعلى هويتك "مطلوب" .. هيك مطبوع

اذا كنت مذنب او بريء ما في رجوع

وصدى صوتك يدوي في كل هالربوع

إذا قلت لاء مية ما يكفوك من الدروع

وإذا ما حكيت بتضل عايش عالشموع

اسمك فلسطيني؟!.. ولو تجري جري الوحوش

والله حتى رزقك ما رح تحوش

تمشي وتقول ليش انا منحوس!

ما معي ولا شوية قروش

تنادي وبصوت عالي وصوتك ما سمعوش

لانه هيك بدو الاخ الزعيم بوووش

وعلى المعابر تفتيش وشحططة وبدهم فلوس

والفقر والشقى منك ما زهقوش

اسمك فلسطيني؟!..شهيد لازم تكون

فدا الوطن هيك الاصوول

واذا ما كنت فابنك اسير بالسجون

وقال بيعتبو عليك اذا صرت مجنون

تظل تقاوم وتحكي احنا صامدون

وعن هالوطن مالنا متزحزحون

وتفكر تفكر..وما تعرف النوم

ويا حرام شو تعبو هالعيون

بس هيك نصيبك يا مرهون

من شان هالوطن كل شي بهون

اسمك فلسطيني؟!..بدك تتحدى

وما تركع ولا تترجى

وصمودك يعني العزة

وعن الاقصى ما تتخلى

تشوف الموت وما تتهنى

وما تحلم ولا تتمنى

تطلع من جحر وتنزل بحفرة

وتطلع منها عامل بنًا

بس اسمك فلسطيني..زلزلت الأرض في كل مكان

فلسطيني.. شهد عليك فارس الفرسان

فلسطيني..رافع الراس في كل زمان

فلسطيني.. وما تعرف معنى الانهزام

فلسطيني..وتتحدى بجبروتك كل هالأحزان

اسمي احمد مش فلسطيني

مشكووووورة على الشعر والكلمات المعبرة هاااااي

» اكتب اسمك بالجلتر
» تكلمي ............. بقلمي
» الحرف الاول من اسمك يعكس صفاتك..........
» اكتب اسمك وشوف بيتك المستقبلي ....!!!
» فـــــــراااااقــــ ... بقلمي