كصة سندريلا بالفلسطيني

سندريلا بنت مشحرة من بنات هل الشعب الغلبان.. يتيمة... امها الله اخد امانته وريحا من هل العيشة.. ابوها اتجوز مرا ثانية الله ما يحطها بدار حدا.. الشيطان بياخد دروس منها ، وعندها بنتين والعياذ بالله من هيك بنات... المرا وبناتها اشتغلو بهل الغلبانة وعملوها خدامة .. يلا الله لا يوفكهم على كد ما عذبو بالمسكينة...
بيوم من الايام الملك حب يعمل حفلة ينكي فيها عروس لابنه الامير.. وعزم عليها بنات كلهم.
نسوان البلد كلهم جهزوا بناتهم وكل وحدة طمعانة انه بنتها تفوز بكلب الامير الا هل المشحرة الي اسمها سندريلا ما حدا فكر فيها ... الا جارة ختيارة من الحارة حلفت لتخلي سندريلا احلى البنات.. عملت العجايب حتى دبرت الها شوية اواعي ، ما خلت بالة الا وراحت عليها لكدرت تلمهم.. ويوم الحفلة قالت الها : اسحيك تتاخري عن الطناش بيفضحنا ابوكي ومرته وبيخرب الدنيا عراسنا.. بس تسمعي الساعة بتدك بترمحي رمح عا دار ... المسكينة لبست الفسطان وراحت جري عالكصر وشافها الأمير وحبها وركصو سوا وفجأة دكت الساعة طنعش وجراي وصارت ترمح وترمح ووكعت ببوجها عالدرج ...
سندريلا راحت عالبيت واتمنت لو انو الساعة ما دكتش على الطنعش، بس شو تسوي بحظها المشحر مثل حظ هاظا الشعب.
الأمير حط فردة البابوج على مخدة يمكن لونها زركة أو نهدي، المهم صار ينادي بالصوت على كل البنات عشان يكيسن البابوج، كاسن كل البنات إلا سندريلا .....
سندريلا نزلت على الساحة ومعها فردة البابوج، وحطتها على المخدة الي عليها الفردة الثانية، ولما كربت عشان تكيسها ضربها الأمير كف، وحكالها: وين جاي ياما،
حكتلو: يكطع وجهك ما أزنخك، مش شايفني بدي أكيس البابوج
حكالها: اكلبي من خلكتي وحدة مثلك كيف بدها تكون فلكة الكمر هديك.
حكتلو: هسا بفرجيك وأحط على عينك
ولما اجت تكيسها، ما طلعت كد اجرها، لأنها كانت ورمانه من كثر الشغل، ويا حرام ما حدا صدكها، وانجنت المشحرة ودارت في الشوارع، والأمير اتزوج غيرها وحكى: لوينتا بدي أظل ادور عليها الله لا يردها هي الخسرانة.

اشكرك على المضوووووع يا قشطة

تحياتي

مشكووووووورة سكرة ونورتي الموضوع يا قمر

ـــــــــــــــــــ

هههههههههههههه دووووووووم الضحك عليكم فردا فردا

نورتو

هههههههههههههههههههههههههههههههههههه

هههههههههههههههههه

لالا ولوووو شو اموتكم ما اموتكم

بضيع المنتدى بعدين هع

ـــــــــــــــــــــــ

دووووووووم الضحك فراشة

ومشكورة ع المرور حبيبتي

خخخخخخخخخخخخخخخخخخخخخخخخخخخخخخخخخخخخ
راح أنفجر من الضحك